MODERADORES/AS e SEGRETARIOS/AS

Home / BANDU & ISCRITZIONE ONLINE / MODERADORES/AS e SEGRETARIOS/AS

FATZILIDADORE/A & MODERADORE/A

Is moderadores depent gestire is interventos de is partetzipantes a intro de is panels de sa cunferèntzia. Depent assegurare s’educatzione, su respetu e s’òrdine de is interventos, e nd’assegurare sa coerèntzia (est a nàrrere evitare chi is interventos andent a foras de sa temàtica de cada panel). Serbit una connoschèntzia bona de sa limba sarda, chi est sa limba de impreu de is panels. Is moderadores no pigant parte a peruna dibata in is panels, sunt neutrales.
Pro custu chircamus mescamente persones cun esperièntzia de gestione de dibata, de cunflitos, de mètodos partetzipativos, o puru interessados a custa dimensione pro sensibilidade o interessu personale.
Is moderadores ant a sighire una die de formatzione in Casteddu.

Bos podides apuntare comente fatzilidadora o fatzilidadore prenande su formulàriu de iscritzione moderadore/a – fatzilitadore/a. ASSISTÈNTZIA: Si no nche dda fagheis a bos iscrìere in lìnia nos podeis cuntatare a s’email cunferentzia.aberta@gmail.com

SEGRETARIOS/AS

Is segretàrios depent trascrìere sa dibata chi s’at a tènnere a intro de is panels, no a manera istenogràfica ma assegurende·nde unu rendicontu bastante bonu e currispondente. Custu serbit pro istèrrere unu documentu informe finale chi potzat testimoniare de su traballu fatu in ònnia panel. A is chi nos cherent agiudare in custa pelea dimandamus una capatzidade bona a cumprèndere sa limba sarda, cale si siat variante, e a èssere bonos a iscrìere sighende is règulas cumpartzidas de su sardu iscritu.
Che a is moderadores, is segretàrios depent assegurare sa tertziedade e sa neutralidade issoro.
Puru is segretàrios ant a sighire una die de formatzione in Casteddu .

Bos podides apuntare comente fatzilidadora o fatzilidadore prenande su formulàriu de iscritzione segretàriu/a. ASSISTÈNTZIA: Si no nche dda fagheis a bos iscrìere in lìnia nos podeis cuntatare a s’email cunferentzia.aberta@gmail.com