SESSIONE POSTER

Home / BANDU & ISCRITZIONE ONLINE / SESSIONE POSTER

Nois intendemus donare unu ispàtziu fìsicu a intro de sa Cunferentzia Aberta de su Sardu pro donare boghe a is siendas o is privados chi traballant cada die cun sa limba sarda, ca nos paret de importu de valorizare chie faghet, creat, innòvat.
Duncas podent èssere siendas, grupos de traballu, assòtzios (puru non-profitu) chi tenent interessos econòmicos o progetuales in su territòriu sardu in limba sarda pro los podere promòvere e presentare, o pro chircare collaboradores.

Sa sessione poster at a nch’essere posta in su tzentru de sa Cunferèntzia Aberta de su Sardu, a tales chi totus is partetzipantes potzant intrare in cuntatu cun is siendas e is privados de sa sessione. Puru persones dae foras nch’ant a podere partetzipare.

Bos podides apuntare a sa setzione poster prenande su su formulàriu de iscritzione sessione poster.

Is siendas e is privados chi bi cherent partetzipare a sa sessione poster depent pagare 50€.
Pustis de s’iscritzione amus a bos mandare unu mail personale cun is datos bostros, s’importu de pagare, e unu ligàmene PayPal pro nche poder pagare sa cuota in lìnia. Si calicunu no podet/no chèret pagare in lìnia pro more de PayPal, nch’at a poder pagare sa die de sa cunferèntzia in dinare.